DVD這門貨品真奇怪，一係一星期才推出一部稍有號召力的新戲，一係就好似今個星期那樣，一連推出數部大製作電影，連港產片都唔執輸，出番部剛落畫的笑片，一次過成五、六部新戲，如果全部睇晒，真係連眼淚水都標埋出嚟！幸好，這幾齣戲的劇情都有一定水準，而且種類也不同，絕對唔會搞亂劇情，不過奉勸一句，看罷三小時長的《魔戒》後，真的要唞唞！
記者：梁佩芬
攝影：林栢鈞
鳴謝：樂悠網
大家都知道，《魔戒》共分為三部曲，三部戲基本上已拍竣，第三集《王者再現》（Thereturnoftheking）只是差後期製作，可望於今個聖誕上映。六月中，《王者再現》中一些製作過程已經可在網上下載，但多數只是聽聲多於畫面，即只是導演、演員一羣人不斷說拍攝的苦況，要練英文不妨去聽聽！說到真正的Trailer，就要在《雙城奇謀》的BonusTrack內Chapter33，才可看到！
