渣打銀行月初宣布業績，噚日請八方同埋一班記者食飯唱K，算係聯誼吓。唔知係咪大家都好鍾意唱K，只係食咗兩味菜，大家已急不及待拎起支咪，在場嘅渣打銀行董事王冬勝都走唔甩，唱番隻靚歌，彼得（王之洋名）揀咗隻《明月千里寄相思》嚟唱，唱完無耐，就唔見咗人。
八方以為佢唔鍾意唱歌，走得咁快。原來彼得去咗攞佢支私家結他，自彈自唱咗幾隻英文歌。彼得嘅歌喉同埋結他技巧，都得到一眾行家嘅好評。熱身一輪，彼得重即場點唱，叫一眾行家唱《帝女花》㖭。有行家話，如果彼得當年去唱歌，可能同阿倫一樣咁紅。不過，八方諗如果彼得唔做賓架，對銀行界都係好大損失。
傳真︰2623-9278
電郵︰