銀行就去得多啦，但由小朋友做櫃台嘅銀行，你又去過未？噚日恒生銀行就為一個由小朋友做櫃台嘅模擬分行，專登搞咗個記者會，重搵咗一大班天真活潑嘅小朋友返嚟，試吓呢間全港第一間為小朋友而設嘅模擬分行。
恒生常務董事兼總經理莫偉健同八方講，佢哋搞呢個模擬分行嘅最大目的，就係希望小朋友透過扮演櫃台服務員及顧客等角色，學習金錢及銀行嘅概念，明白到儲蓄嘅重要性，恒生歡迎有興趣嘅小學及幼稚園組團，一試呢個既好玩又具教育意義嘅模擬分行服務。
（圖）小朋友做櫃台做得咁似模似樣，唔知莫偉健（左二）會唔會考慮破格聘用佢呢？
傳真︰2623-9278
電郵︰