英國男子組合Blue成員LeeRyan前日喺倫敦為佢早排醉酒駕駛單案出庭應訊,Lee一身黑色打扮好整齊,諗住畀個法官好印象,不過法官梗係冇手軟,佢判Lee吊銷駕駛執照十八個月兼罰款二千二百五十英鎊(約二萬七千七百港元),如果佢喺呢年半內再揸車就即刻拉佢坐監。而Lee透過公關好例牌咁話為佢嘅行為感到後悔。