一度叫人聞之喪膽的沙士疫症，逐漸被人淡忘；惟對於在疫症中喪夫的歐陽鳳琴婆婆來說，傷害卻是一生一世。自老伴離世後，形單影隻的歐陽婆婆，不但患上抑鬱病，身體亦十分孱弱，更試過在家中暈倒。有見歐陽婆婆的慘況，蘋果日報慈善基金資助她安裝一部平安鐘，好讓孤獨的她得到適切的關懷和援助。
每當說起去世的老伴，歐陽婆婆的眼淚便流下，聲嘶力竭地質問，教旁人看得心酸。「點解個天要咁對我，好人冇好報呀……」現年六十六歲的歐陽婆婆，結婚四十多年，與丈夫雖無所出，但兩人感情要好。
今年三月二十五日，正值沙士爆發期間，其夫因發燒不適往醫院求醫，最後被證實染上非典型肺炎，留醫期間他的病情一直表現反覆，最終於四月二十八日撒手塵寰，遺下歐陽婆婆一人。
驟失至親，歐陽婆婆至今未能接受現實，終日以淚洗面，更患上抑鬱症。「自從我老公走咗之後，我個心就成日『乸住乸住』，晚晚都瞓唔着，醫生話我抑鬱，𠵱家開咗藥畀我食。」事實上，身材瘦削的歐陽婆婆，除寢食難安之外，近日身體狀況亦欠佳，早前她便無端在家中暈倒，險些釀成失救意外。
「上個月打風嗰晚，我瞓到半夜突然間覺得個肚好痛，於是慢慢摸出廳諗住搵藥油，點知行咗冇幾步就成個人暈低，好彩隔咗一陣我就自己醒番，若果唔係真係死咗都冇人知。」歐陽婆婆猶有餘悸地說。
為長者提供一線通服務的長者安居服務協會發言人表示，因應歐陽婆婆的身體及情緒問題，該會建議她盡快安裝一部平安鐘，尋求外界協助。
發言人向記者說：「其實，安居會嘅平安鐘，除咗可以為長者提供緊急服務之外，亦有好多其他支援服務，例如我哋會定期打電話慰問長者，了解佢哋嘅需要，必要時重會轉介其他合適嘅服務畀佢哋；另一方面，如果老人家有乜唔開心，佢哋亦可以隨時打電話畀安居會搵幫手，務求令長者唔穩定嘅情緒第一時間有抒發嘅渠道。」
歐陽婆婆現靠微薄的積蓄生活，無力負擔安裝平安鐘的費用，蘋果基金了解過她的需要後，已即時從「平安鐘專戶」撥款資助她購買一部平安鐘，改善生活。
歐陽婆婆捐款編號：C1077
「平安鐘專戶」捐款編號：C0650
暖流熱線
電話:29908688
傳真:23702192
電郵:
網址：