一直深受追捧嘅Smart，繼榮獲英國某大汽車雜誌，頒發「最佳城市汽車」及「最佳開篷跑車」嘅榮銜後，最近SmartCity-Coupe及SmartRoadster，又被OKO-TREND環保研究所響一千多部被評審嘅汽車當中，被評選為德國2003年十大最環保汽車之一，分別佔總排名榜嘅第三及第六位。
響呢次評審中，SmartCabrio及SmartRoadster高踞開篷車級別嘅第一及第二位、SmartRoadster-Coupe則榮登雙門車類別之首，而SmartCity-Coupe則響迷你車級別中奪得第二名；另外，SmartCity-Coupe及SmartRoadster更進佔總排名榜嘅第三及第六位㖭！據OKO-TREND表示，其中屬獲獎車款之一嘅SmartRoadster，可算係將開篷車嘅駕駛樂趣與環保嘅特點融為一體，除廢氣排放量少、車身輕巧外，就算響生產時，廠方對環保所作出嘅努力，亦能為其增添不少分數；而廠方亦表示對Smart能獲得此獎項表示高興，並會繼續推行各項措施，從而令旗下推出嘅新車，又或者係生產過程要做到甚具環保意識呢！