噚日星期六賣旗日，經過中環嘅市民會發現有一個好特別嘅人周街賣旗，佢就係前政務司司長陳方安生。陳太退休後不時幫手做慈善活動，噚朝早十點半喺中環地鐵站開始為香港青少年領袖團賣旗，展露佢嘅招牌「四萬」笑容，好多市民見到佢不知幾開心，個個主動走埋去捐錢。
陳太嘅魅力唔止迷倒本地人，當佢經過遮打道旁嘅行人隧道時，一班內地遊客見到佢都一擁而上，身邊冇港幣，連人民幣都照捐，又有遊客同陳太影相。原來呢班內地遊客雖然講唔出陳太個名，但係就認得陳太係香港名人，當然唔錯過機會啦。
（圖）陳太（右二）吸引一班內地遊客捐錢，重爭住同佢合照㖭。 陳國良攝
傳真︰2623-9278
電郵︰