名人明星談情，究竟會去邊度見面呢？問過幾位娛樂版狗仔隊阿頭，都係同一答案：「𠵱家啲名人明星，點會喺香港幽會吖！你估佢哋唔怕我哋班狗仔隊咩！」經過佢哋嘅總結，明星因工作關係，近期都愛去內地蒲；而較後生的哥仔姐仔就最愛去泰國；一班富豪就依然鍾情歐洲，特別係法國，因女士們順道可以掃埋名牌貨。
部份相片提供：《壹週刊》、《壹本便利》、《飲食男女》
「做狗仔隊嘅工作都幾沉悶，一係喺機場捕，睇吓有冇名星返港或走人，唔係就去跑馬地睇吓，因為跑馬地多明星出入兼間中有人嚟買消夜。」做咗狗仔隊3年嘅文哥講：「因近年多咗藝人返內地拍戲，所以我哋做狗仔隊嘅都要經常北上。可能明星去咗外地警戒心無咁強，所以我哋好多時都有收穫，好似早幾日《壹》仔就喺上海拍到星爺，之前亦捕到梁朝偉同緋聞女主角張曼玉喺上海撐枱腳。」
另一名狗仔隊成哥又說：「近年較為震撼嘅婚外情史，莫過於東亞銀行主席李國寶喺巴黎LeBristol酒店被行家捕到，影到佢同廖碧欣一齊，重斷到正見到李國寶刻有佢英文名嘅皮鞋放喺門口，一句「Baby」重搞到全城震撼㖭！」
另一狗仔隊成哥又講：「啲明星仔多數去東南亞，唔少地下情都係喺嗰邊被行家跟到發現。最易搵到明星蹤影嘅相信一定係泰國，因為路程近、Resort環境又正！眾明星中，張栢芝就經常喺泰國斷正，畀我哋捕到！」
上海果然係香港明星嘅「聚腳點」，去年11月尾亦被傳媒影到梁朝偉喺當地趕拍賀歲片《行運超人》時，張曼玉老遠到片場探班，其後重發現兩位影帝影后喺上海出名食大閘蟹嘅「新光酒家」，煙煙韌韌擦蟹，蟹宴每位?600，認真識食！食完重同酒家太子爺合照，想抵賴唔係一齊撐枱腳都幾難。
影壇笑匠周星馳每次拍親戲都同女主角傳吓緋聞，今次去到上海拍《功夫》住喺西郊公寓酒店時，亦被傳媒影到有一位長髮姑娘深夜時分入咗去星爺間房，重逗留咗超過9小時㖭！其後星爺辯稱該位長髮姑娘乃是《功夫》編導的朋友；究竟孰真孰假？就真係只有當事人先識答喇！
除咗LeBristol酒店係名人「談情」嘅熱門酒店外，當地嘅Taillevent餐廳都係名人調情嘅勝地之一，餐廳嘅羊肉扒更係出自名廚。李國寶亦曾帶過廖碧欣同一位法國朋友到呢間餐廳食飯，重叫咗一支紅酒同白酒㖭，一餐飯就用咗約港幣$11,000，認真豪氣！
咪以為只有男人花弗，女人亦一樣，24歲嘅阿Milk就拍過拖無數次，試過一腳踏四船，亦玩過一夜情。
「一腳踏四船冇乜唔妥，我每段感情都好認真好投入㗎，我會畀兩個星期佢哋，唔掂就分手。其實我只係想搵一個經常陪住我、𠱁我開心嘅男朋友啫。」Milk繼續講：「追我嗰四個男友，一個係我嘅健身教練；第二個係加拿大生意人，佢係有婦之夫；第三個係上市公司董事；而第四個係唔使做嘢嘅二世祖。」「你當時最鍾意邊一個？」Milk答：「二世祖。其實呢四個各有各好，不過二世祖可以經常陪我，佢又每次畀到我意想不到嘅Surprise，不過最後都係分手收場。」
「有冇玩過OneNightStand？」「有。初時都幾新鮮刺激，之後玩過10幾次就好似食飯咁好平常。最激一次係條仔車我去屯門黃金海岸酒店，喺房搞完就落沙灘繼續。最憎啲男人只會做做做，唔夠溫柔又唔理我嘅感受，所以𠵱家唔再玩一夜情，我鍾意拍散拖，有被人追嘅感覺。」
25歲任職文員嘅Ruby，自稱係愛情小露寶，因為佢對愛情嘅執着、堅持就好似小露寶對小賓女一樣咁專一。「老實講，雖然經常同班朋友去Disco，又喺酒吧度做Part-Time，但我好保守，唔會認同一見鍾意，遇到意中人會勇往直前為自己爭取愛情，從一而終，結婚生仔。」Ruby繼續說：「拍過拖三次，之前因為男朋友出去追其他女仔而分手，同𠵱家呢個男朋友感情都唔錯，不過如果佢有乜嘢行差踏錯我一樣會即走！」
狗仔生涯不易為
失樂園（LostParadise）
日本大導森田芳光的成名作。有婦之夫巧遇有夫之婦，一見傾心，但礙於二人皆有配偶，雙雙惟有偷情。最後，不倫之戀被揭發，女的為了愛情只好離開丈夫，男的則被公司逼走，並與太太離婚。然而男女主角均抵受不了各方面的壓力，最後雙雙走上殉情之路。
麥迪遜之橋
（TheBridgesofMadisonCounty）
僅僅4天的相識，足以牽腸掛肚一輩子的愛情故事。在恬靜的鄉鎮裏，一位外地來的攝影記者與一個已婚的中年婦女相遇，他倆「相逢恨晚」的愛情故事，要直至死後才能說出真相……淡淡然的愛情感覺不只局限於年輕男女，肝腸寸斷令人欲斷難斷，加上電影原聲配樂油然而生，淒美動聽。
孽緣（FatalAttraction）
荷李活20大驚慄恐怖片之一。咪以為偷情好好玩，米高德格拉斯一次衝動，搭上惹火女郎初嘗偷情滋味，險些玩出火，差點招致殺身之禍，一失足成千古恨，小心偷情有報應。
孽緣（FatalAttraction）
荷李活20大驚慄恐怖片之一。咪以為偷情好好玩，米高德格拉斯一次衝動，搭上惹火女郎初嘗偷情滋味，險些玩出火，差點招致殺身之禍，一失足成千古恨，小心偷情有報應。
不忠誘罪（Unfaithful）
一對中年夫婦本來生活相安無事，過着幸福生活。但女主角戴安蓮一次的「不小心」，墮入了外形豪邁不羈的年輕小伙子的心，短暫的偷情經歷教戴安蓮忐忑不安，最後選擇重回正軌，返回老公懷抱，卻因為老公得悉妻子的外遇而錯手殺了偷情漢。雖然兩公婆最後逃離「牢獄之災」，但彼此的婚姻情感卻平添另一更深層次的障礙……
周末同床
（MarriageIsaCrazyThing）
最新偷情韓國電影。一對互不介意對方的「癡男怨女」首次約會便發生關係，女主角不介意他不愛結婚，兩人開始孕育出微妙關係。而她則為物質嫁給一個醫生，再用他的金錢築起他倆的愛巢，一到周末便來共同生活。最後男主角對這段曖昧關係感到迷茫，究竟他們是偷情男女，還是一對幸福美滿的夫婦？
