愛爾蘭花花公子哥連菲路(ColinFarrell),雖然就快做人老竇,但佢嘅花弗性格依然一啲都冇改過。最近佢應邀上美國NBC電視台接受星級主持庫里克(KatieCouric)訪問時,居然喺幾百萬電視觀眾面前公然抽水兼口花花。
哥連菲路喺早兩個禮拜接受庫里克主持嘅節目《Today》現場訪問,宣傳自己套新片。不過四十七歲嘅主持庫里克,似乎對哥連嘅魅力亦難以招架。話說當日庫里克一本正經咁訪問時,哥連突然俯身捉住庫里克隻腳,起勢咁讚人哋對腳靚。
初時庫里克好尷尬,不過當哥連大讚佢風趣,重借勢捉住佢隻手同掃佢手背時,庫里克就已經軟化,任由哥連魚肉。我羅拉覺得哥連喺電視度都咁明目張膽,做着佢女友就真係慘!