最近香港體壇盛事多籮籮，繼足球勁旅皇家馬德里同利物浦，中國籃球巨星姚明同一眾桌球巨星訪港後，一架價值過千萬港元、每小時極速超過三百公里嘅一級方程式（F1）賽車──寶馬威廉士FW25第一次嚟香港，噚日開始喺九龍塘又一城展出，吸引唔少車迷到場欣賞。
呢架賽車重量約六百公斤（連車手、微型攝影機），但可以輸出九百匹馬力，係現時輸出馬力最大嘅一級方程式賽車；多次獲一級方程式賽車世界冠軍嘅舒密加，佢細佬拉夫舒密加（RalfSchumacher）都係揸呢架戰車出賽。
架戰車會展出至聽日，有興趣車迷快啲去又一城睇吓一級方程式賽車嘅雄姿啦。
（圖）呢架價值過千萬嘅一級方程式賽車第一次在港展出，連小女孩都企定定欣賞。
馮永堅攝
傳真︰2623-9278
電郵︰