盧巧音近期開始嘗試不同的形象，早前她示範一意大利珠寶品牌最新的首飾系列，盡顯型格。盧巧音表示母親已為她買定嫁妝待她出嫁。老友何超儀年尾結婚，盧巧音送上香豔的桃紅色內褲，認真有心！
搖滾味十足的盧巧音（Candy)，讀小學時已甚有潮流觸覺，對穿衣十分講究，Candy說：「我十一、二歲時已經對時裝產生興趣，記得細個嘅時候已經睇電視學繆騫人着衫，好似喺件衫外面加一條belt嘅着法，所以大個之後冇考A-level，跑咗去讀時裝設計。」
今次Candy示範Fani首飾，更獲對方送贈一條鑽石十字架頸鏈，她說：「Fani嘅首飾設計好young，可以配搭得好stylish，又唔易過時，好flexible，配casual同elegant嘅衫都冇問題。」
問Candy會不會效法梅艷芳買一套鑽飾，待出嫁時佩戴？她說：「其實我媽咪都有幫我買定嫁妝，不過我未有對象。」
將會為好友兼死黨何超儀擔任伴娘的Candy，到時會送甚麼賀禮？Candy說：「我一早送條桃紅色嘅內褲畀佢，再睇吓Fani有冇啱佢嘅首飾。」
Candy表示絕不輕易收男士所送的鑽飾，她說：「我媽咪自細就教我小心啲，唔好亂收人哋送嘅貴重物品，不過，咁大個女都未收過男仔送嘅鑽石戒指。我第一隻收嘅鑽石戒指都係幾年前朋友夾份送嘅，我啲女性朋友就鍾意送實用嘅嘢畀我，內褲都收唔少。」
此外，Candy昨日到新城錄廣播劇，對於早前周杰倫和蔡依林在新城安排下，被迫在台上合照一事，Candy表示若被安排與舊愛余文樂或謝霆鋒合照也沒問題，她說：「我同新城關係好好，就算有咁嘅事都冇嘢，並吓肩冇所謂啦！」
採訪：顏英儀 攝影：陳慧安
髮型：MattChiuofHeadquaters
化妝：AngelYip
服裝：SiSPORT(金鐘太古廣場)
場地：FaniGioielli
