鍾欣桐（阿嬌）昨日往銅鑼灣出席簽名活動。瘦身成績不俗的阿嬌穿上牛仔短裙，但下身仍很圓潤，阿嬌提到對日前在攀石活動中被影下巨躉一事解釋只是角度問題，還稱拍檔阿Sa「冇patpat都影到好大」，無形中拿了阿Sa做擋箭牌。
鍾欣桐昨日與張玉珊往銅鑼灣出席修身堂舉行的「5日修身見證會」，吸引半百歌迷排隊及圍觀，場面頗為混亂。
未知阿嬌是否對巨躉報道介懷，在活動中對攝影記者從背面拍照表現避忌，坐下時需助手用外套綁在她的腰間。
記者問阿嬌可滿意現在的身形？她說：「都ＯＫ，想下半身再瘦五磅。要做機先可以瘦，但我冇時間。」
提到報道指她有巨躉，她即說：「玩攀石都預咗，啲記者實係低炒，好似影到個patpat好大咁，阿Sa冇patpat都影到好大啦，要寫實有得寫！」言語間不經意將阿Sa變成擋箭牌，以示自己的臀部其實和阿Sa相若。
問到阿嬌會否豐胸，她表示不會，而張玉珊亦謂每個代言人均有個人形象，她不認為阿嬌需要豐胸，但就透露阿嬌已拍了一輯三點式泳衣照，稍後會推出。
對於肥姐的囡囡欣宜參加修身堂減肥，問到欣宜是否下一個代言人時，老闆娘張玉珊說：「幫欣宜收身只係責任，佢喺一個月都瘦咗三十磅，想減到同個身形標準嘅磅數大概係一百二十磅左右，希望大家唔好畀壓力佢，遲啲會有專人跟欣宜去加拿大照顧佢嘅飲食。」至於欣宜會否着三點式泳衣，張玉珊謂：「佢係小朋友，隨佢意願。」
採訪：陳梅香
攝影：陳偉權
