啱啱有新片《魔盜王——決戰鬼盜船》上演嘅英國男星奧蘭多布魯（OrlandoBloom），最近突然有個名叫哥連史東（ColinStone）嘅老師無端端走出嚟認係佢老竇。話說哥連以前同奧蘭多嘅媽媽偷情，結果生咗奧蘭多，奧蘭多細個時唔知呢件事，搞到佢以為四歲時就死咗爸爸。雖然奧蘭多十二歲已知道真相，但一直守口如瓶，費事俾人話佢阿媽紅杏出牆。