今晚見之浪漫勝地：<br>長洲沙灘賞月光女仔至冧

今晚見之浪漫勝地：
長洲沙灘賞月光女仔至冧

要談情談得有意思，全程「脫離」相熟人士嘅注目，由我哋講梗係無說服力啦，不如聽吓有實戰經驗嘅「專業人士」，講吓佢哋平時所揀選嘅談情勝地，夠偏僻又刺激，地點唔太聚腳但勝在「安全至上」，大家睇吓啱唔啱用啦！

長洲山盟海誓
現代後生仔女熱情如火，今年17歲嘅Cindy與男友Endeavour，在訪問期間唔介意拍親密照，但卻介意在人多的地方談情時受騷擾，是以四出找尋談情好地方。
Cindy和Endeavour話入長洲就可以享受二人世界，搭船時迎面吹來的海風感覺很舒服，所有壓力都可以徹底紓緩。「黃昏晚霞時坐在海灘，享受日落西山的景色，重俾男朋友攬住，真係好Warm好浪漫呀！」

■Cindy同男友立下山盟海誓，啤啤熊作見證。

■去到海灘第一時間互相熊抱一番先。

姻緣石求籤冧女
Beckham話最鍾意同女朋友沿着皇后大道東行上寶雲道，除咗小徑較寧靜方便二人世界外，最主要係那兒有小樓梯直上「姻緣石」，可順道求番支籤，情深款款咁向女朋友表白愛意。
「攀上去姻緣石重可以鳥瞰跑馬地一帶夜景，我試過同幾個女朋友嚟呢度，個個都俾我𠱁到即刻送番個Kiss給我，真係抵到爛！」

■搭船都一樣可以玩餐飽。

■咁就一日啦，係時候返屋企同家人報到喇！

大學談心好纏綿
今年在科大讀Year2嘅Emily話，因為唔可以帶男友返宿舍談情，所以惟有同男友Tango喺學校搵個可以坐低談心的地方，最近終於搵啱幾個「渺無人煙」的校園隱蔽地，重好鬼安全咁話。
「科大嘅停車場、後樓梯同埋一個凹位嘅小平台都係最佳談情地方，附近又無建築物可以偷望我哋，匿埋喺嗰度真係唔驚會撞到同學仔。」

■Beckham話每次拍拖，無論幾夜都會帶女友上寶雲道「談心調情」。

■聽聞只要喺姻緣石下面個洞行一個圈，心中想着自己嘅夢中情人，就會成為你將來嘅對象喇！

其他「談情勝地」

■科大停車場出口的小平台，的確係「吹吹風談談情」嘅好地方。

■梯間縱橫相錯，一邊談心一邊睇吓有無人經過。

■天邊一顆閃星星，海邊一顆閃星星……冧女情歌Tango終於可以大派用場。

■位處青衣城出面的一條海濱長廊，抬頭再望望青衣大橋，勁似日劇《戀愛世紀》的彩虹橋般，加點想像力就更加浪漫。

■入夜後可攀上海心公園大石上遠望景色，男女主角相對而望，十足十浪漫愛情故事的橋段，下次不妨試吓喇！

■熱門談情地點，位置不算偏僻，但勝在浪漫氣氛一流。