余文樂及2R等歌手，昨日一同出席小朋友嘉年華會揭幕禮，不過阿樂顯得心不在焉，相反2R看見一班可愛的小朋友時母性大發，不時逗他們玩，更肉緊得搣對方臉頰。
余文樂、2R、麥浚龍（Juno）及黃凱芹（Chris）等，昨日在灣仔出席「FunFunShow03盈科保險夏日繽紛夢工場」開幕典禮，Chris在活動中打大鼓，氣勢十足，而2R見到台下一班fans及小朋友，亦興奮得即時擁抱對方，更肉緊地搣他們的臉頰。相反阿樂在活動上心不在焉，忘了拿道具出場，最後只有儍笑，然後走回後台取道具。
事後阿樂表示有機會可以執導短片，更負責編劇，他說：「我想學吓除咗演員之外嘅其他工作崗位，向公司提議過之後，佢哋搵緊人投資。」日前導演劉偉強、林建岳與白龍王等聚會，陳冠希亦有現身，但阿樂卻不見蹤影，對此他說：「佢哋有同我公司講，但我要拍戲度唔到期。」提到有消息指白龍王讚陳冠希一定會紅，他說：「咁咪好囉！電影圈咪多個好嘅演員用，多啲人係好事呀！唔通個個都唔好咩？」
新加坡雙妹嘜2R最近接受廣東話矯正課程，Race說：「有次同個男性朋友傾電話，我講咗句『你搵我××』，嚇死佢！佢話我知句說話太粗魯，其實我都唔知係粗口。」
此外，倪震早前指Chris回港發展，故此要「睇實」女友周慧敏，對此Chris說：「我同周小姐係好好嘅朋友，我發誓未試過單獨約周小姐，我同佢哋兩個只係踏咗半隻腳入娛樂圈，所以睇到新聞都係得啖笑。佢哋一路都咁好，知己朋友，不言而喻，如周小姐金曲《盡在不言中》，我覺得佢哋似神鵰俠侶咁飄逸。」問Chris會否妒忌？他說：「能夠搵到呢啲朋友好難得，好登對。」
採訪：王連連 攝影：何國豪
