名模翁為德今年三月尾在美國誕下一對活潑可愛的孿生兒子，她日前接受訪問時透露，計劃待一對孖仔長大後送他們學少林功夫，並希望丈夫能出一本湊仔經，與男人分享湊仔的樂趣。
名模翁為德自產子後，經過兩個月的努力，現時已回復昔日苗條身形，體重回復到以往一百二十六磅的標準，而三圍數字則由懷孕時的40D、40、44減回34C、25、36的模特兒身形。翁為德日前接受訪問時說：「收身後發覺坐圍重比以前細咗，返嚟香港收身可以話係送畀老公一份最大嘅禮物。」
離開一對可愛的囝囝差不多有兩個月，翁為德坦言十分掛念，她說：「我無論去到邊度都要帶住囝囝張相，以解掛念之苦。我老公重誇張，佢早前搭飛機去內地工作，喺飛機食緊嘢嘅時侯，望住囝囝張相，竟突然間忍唔住喊咗出來，啲空姐見狀即刻上前，搞到我老公鬼咁尷尬。
「不過，我真係好多謝我老公喺呢兩個月以來一個人照顧對孖仔，我想佢可以出一本湊仔經，同其他男人分享一下湊仔嘅樂趣。」
翁為德和丈夫鄒兆龍同是娛樂圈中人，問會否讓一對孖仔在長大後加入娛樂圈，翁為德說：「我哋唔會反對亦唔會特登培育對孖仔入娛樂圈，不過，等佢哋大個啲，我老公話會送佢哋去學少林功夫，如果有機會嘅話，我都希望可以一家四口一齊拍廣告。」
翁為德現在最大期望就是讓一對孖仔快高長大、快快樂樂的成長，她說：「千祈唔好學壞，長大後聽教聽話，四平八穩就得，呢一個可以講係每一個做媽咪嘅心願。」
採訪：顏英儀
攝影：林德雄
化妝：Dephine
髮型：MannofHair
服裝：Anteprima（LeeGarden）
場地：蘭桂坊CClub
