無綫新劇《當四葉草碰上劍尖時》找來一班年輕新人擔綱演出，新人多，競爭自然大，出風頭、博搶鏡、爭風呷醋在所難免，但是五位女主角竟然可以情同姊妹，認真難得，其中來自新加坡的Race（黃婉伶）更被大讚似媽媽般穩重，經常提點其他人。
無綫新劇《當四葉草碰上劍尖時》一班演員包括黃婉伶（Race）、姚子羚（Elaine）、唐詩詠（Natalie）、傅嘉莉（Kelly）和戴夢夢（Renee），日前到寶馬山一間學校拍外景，五位美少女聚首一堂，現場氣氛頓時變得十分熱鬧，你一言我一語，一時談論用哪一隻化妝品好，一時又談論哪一隻防曬產品最好，吱吱喳喳。
來自新加坡的Race初來乍到，在港沒有太多朋友，她坦言首次拍劇，跟一班素未謀面的女孩子合作有點擔心，她說：「啱啱嚟香港，我又唔係香港人，廣東話又唔正，都驚俾人排斥，同埋之前又有人同我講香港女仔好寸，所以最初真係有啲擔心，不過，我同佢哋一齊拍咗幾日就好快變得熟絡，佢哋又唔係好假，所以𠵱家好開心，識到一班咁close嘅friend。」
Natalie則覺得五個女仔性格相近，所以很容易打成一片，不過，她覺得Race較慢熱，她說：「初初Race好靜，熟咗之後，佢就好熱情，重成個媽媽咁，又叫我哋唔好做乜，又要做乜。」
戴夢夢曾經在亞視劇集《再見艷陽天》飾演曉華一角，她自言十分活躍，她說：「係啊！我好活躍，除咗我病咗會靜之外，我都冇時靜，但係同佢哋都好夾啊！」
採訪、攝影：楊潔雯
