飲食人誌：<br>每朝五點街市揀鮮肉牛丸彈彈吓

在元朗，老街坊都知道從前有一處叫榕樹頭的地方。而知道這個地方的人，大多也認識一位「潮州怒漢」，他每天手拿鐵棒，在榕樹頭不停鎚打，下手的重，令一塊完完整整的牛肉化成漿，再製成肉丸。
多年後，榕樹頭重建，老師傅又因為長年手打牛丸，弄至手部關節勞損，所以決定退休。本以為牛丸就此失傳，誰知一間冰室的結業卻令故事改寫。
記者：李敏怡
攝影：陳智良
Model：Sugar(Sunspot)

我八、九歲時，阿媽已經幫師傅打工。當時在榕樹頭擺檔的車仔牛丸，阿媽做洗碗，我每日放咗學都會去幫手。」潮州人胡順清說。幫手之餘，重要整番碗牛丸，所以胡師傅可說是食牛丸食大。
「小學畢業，讀唔上，開始跟師傅打工，諗住學番門手藝。初時，師傅唔教，我便一路幫佢執頭執尾，一路睇佢點打牛丸，邊睇邊自學。直至十四歲某一天，師傅休息，我才有機會落手接觸。」他說。

車仔牛丸上舖
這檔潮州牛丸漸漸在榕樹頭打出名堂，凡是老街坊總會吃過這裏的手打牛丸。1982年時，榕樹頭要重建，不能再擺車仔檔，胡順清的師傅要退休，當時二十多歲的胡順清便孤注一擲，自己將車仔牛丸帶上舖。
「剛巧當時喺榕樹頭對面嗰個舖位，原來間冰室做唔住，於是我將師傅嘅牛丸上舖，更沿用冰室嘅名字──勝利。」胡順清說。

每早五時到街市
自此以後，胡師傅每天早上五時前起床，第一時間到街市揀選牛肉，天天如是。「因為咁早先買到新鮮嘅牛肉，師傅話用刀背拍嚿牛肉，肉面即時有條刀疤出咗嚟，即係話牛肉嘅細胞重未死晒，非常新鮮。」他說。
就算是現在，跟大多元朗食店老闆一樣，胡順清對店裏大大小小的事務仍然親力親為，他說這樣才能有效控制食店的品質，而這亦是元朗人的特色。