港台DJ梁繼璋繼去年生日與懷孕五個月的太太遇上交通意外後，今年他四十七歲生日前一星期，太太竟又因滑倒從八級樓梯跌下，跌斷尾龍骨，令他連續兩年都拿着生日蛋糕入醫院，認真邪門。
港台DJ梁繼璋太太莊嬿藍去年懷孕期間，兩度遇上交通意外，其中一次發生在去年八月十七日，當日牛一的梁繼璋駕車接載太太莊嬿藍時，其座駕被尾隨的士撼撞，夫婦即時送院留醫。
沒料到事隔剛好一年，梁繼璋的太太又因意外跌斷尾龍骨，湊巧地均在梁繼璋的八月十七日生日前發生，令他不得不大歎：「真係好邪！」
梁繼璋日前在電話中說：「記得老婆舊年第一次撞車，啱啱係我生日，點知今年我生日前一個星期，我老婆返黃埔花園新城電台開工，竟然因為地面太過濕滑，成個人喺八級樓梯碌咗落嚟，跌斷咗條尾龍骨；最蹺係上次我攞住佢送畀我個生日蛋糕同佢入醫院，今次佢入院，我又咁啱攞住聽眾送畀我個生日蛋糕，真係邪到你唔信！」
梁繼璋又說：「其實太太撻親之前，都試過有其他人因為地面太濕滑而中招，商場嘅地面濕漉漉都冇人理。」
現時，梁繼璋要照顧八個月大的愛兒梁雲翀和在家中養傷的太太，再加上日常的電台工作，梁繼璋笑言何止忙到透不過氣，簡直是忙到「斷氣」！
前日梁繼璋特地向港台請假，陪太太到沙田仁安醫院覆診及做物理治療，情況尚算穩定。
採訪：戴彩煥