才女梁芷珊昨日往理工大學蔣震劇院，出席護膚品品牌Boots推出的甜睡系列宣傳活動，見她比前消瘦，她指現在比產前更瘦，體重維持一百二十一磅。
梁芷珊笑說：「我諗我減肥減過龍啦。」問她有沒有失眠的煩惱？已有一女的她說：「有呀，我係個多嘢諗嘅人，書展嗰排固然緊張到瞓唔着，BB喊、同老公嗌交，我又會瞓唔着。」
早前其夫羅傑承與前女友陳加玲有金錢糾紛，問梁芷珊此事有否帶給她煩惱？她說：「都有少少，為呢件事我都瘦咗幾磅。我覺得涉及成一千萬金額嘅事，應該用法律途徑解決，而唔係同個記者講嘅。」
梁芷珊續說：「呢件事我都只不過係局外人，不過我唔知陳小姐究竟做乜嘢生意，可以涉及咁大筆金額，我都替我老公唔值㗎，話晒佢都係正當嘅生意人。」
採訪、攝影:JessicaNgan