梁佩瑚與同父異母的妹妹梁佩棋感情要好，梁佩棋在七年前曾參加香港小姐選舉，可惜最終落敗，她亦打消進軍娛樂圈的念頭，返回加拿大繼續升學。今年梁佩棋大學畢業，而梁佩瑚亦完成法律課程，兩人學業有成，相信她們父親必定十分安慰。
梁佩瑚日前返回加拿大探望父親及同父異母的妹妹梁佩棋，其妹九六年因貪玩而參選香港小姐選舉，但最終只入圍二十名。當年只有十七歲的梁佩棋，亦一度戀棧娛樂圈，其後她見發展不大，在家人鼓勵下決心返回加拿大繼續升學，轉眼間梁佩棋今年已大學畢業，並計劃留在彼邦發展。
而早年參選港姐獲季軍的梁佩瑚在香港修讀法律課程，今年正式畢業，她日內便會接到成績單，梁佩瑚的父親對於兩名女兒今年學有所成，都感到老懷安慰，特別是幼女梁佩棋，她選修了工商管理，十分用心念書。梁佩瑚日前接受電話訪問時說：「阿妹好爭氣，佢大學畢業嘅成績好好，重係榮譽生。當年佢參選港姐因為細個貪玩，其實都冇話唔好，咪當攞啲人生經驗。不過𠵱家問佢想唔想再返香港娛樂圈發展，佢即刻耍手擰頭，佢話寧願將書本學嘅嘢用番。」
梁佩瑚現已有一名圈外男友，感情穩定，但她不急於嫁人，梁佩瑚說：「我想再觀察吓男友先，相處耐啲先決定幾時結婚。況且我嘅法律課程啱啱先畢業，我都想事業有大嘅發展。」梁佩瑚亦大爆妹妹已有穩定男友，她說：「佩棋個男朋友係台灣人，個樣有啲似周杰倫，佢先過妹妹畢業，已經返咗台灣做嘢。妹妹個男友重向佢求婚，希望佢做過埠新娘，但阿爸就好唔捨得，希望妹妹可以陪多佢幾年先。」
採訪：比華利
