近期，德國保時捷車廠狀態大勇，先後推出咗多款新車，兼備受各地車迷追捧；到最近，外國方面又有消息傳出，話廠方正落力研製全新BoxsterCoupe跑車，並可望於2006年推出咁話！
從預想圖中可以睇到，全新保時捷BoxsterCoupe造型與現有開篷版本相近，但改用上硬頂、車頭氣霸增設霧燈組合及增設車尾定翼後，賣相變得更見突出吸引，當然唔少得重有一套巨型跑車合金胎軨作配襯啦！至於車廂方面，該消息指新車會用上新布局配搭，當中不乏有承托力十足嘅跑車桶椅，以及設備齊全嘅中控台等，但仍有待廠方公布有關資料後方可作實。另外，廠方預計會為新車裝上經過改良嘅2.7及3.2公升水平對向六汽缸引擎，馬力輸出各增加10匹，達240及270匹，從而令性能表現更見突出。