童星出身的唐寧拍過不少電影，更曾在電影《白髮魔女傳》中反串扮演童年張國榮。唐寧為該片配音時，終於見到張國榮，當時的感覺是「超級開心」。
唐寧八歲開始便加入娛樂圈，當年其胞兄的朋友有份拍攝港台劇集，唐寧又在機緣巧合下往探班，結果被人看中拍廣告，從此踏足星途。
唐寧小時候拍過數十部電影及十多個廣告，十歲時有份參演由周潤發和鍾楚紅主演的《縱橫四海》，還飾演童年鍾楚紅，但她卻被扮演其父的曾江嚇到喊。
身在上海拍攝劇集《大唐雙龍傳》的唐寧，日前接受本報電話訪問時說：「我記得嗰日要拍一場喊戲，未埋位時，我喺化妝間見到曾江，佢擺出一個好惡嘅樣，我已經流出兩行眼淚，其實佢只係同我玩吓，所以我一喊，佢就即刻抱住我玩，之後拍戲時，我見到佢就即刻喊得出。」
唐寧在張國榮和林青霞主演的電影《白髮魔女傳》中，亦反串扮演張國榮童年，她笑說：「可能嗰時我似男仔啦，因為我做張國榮嘅童年，所以同佢冇同場，但我配音時見到佢，簡直超級開心。」
唐寧當年參與過不少電影，收入相當不錯，每月均有數千元薪金，其母更將唐寧的收入購買保險來儲蓄，實行積穀防飢。
雖然唐寧有個不一樣的精采童年，但卻沒因此失去童真，她說：「嗰時我好活潑㗎，我阿哥大我十年，所以佢唔會蝦我，當我好似玩具咁玩，我成日都俾佢舞嘅，佢會抱住我係咁三百六十度轉嚟轉去。」
採訪：朱芷瑩
