吳光正話事嘅會德豐同九倉系，出晒名低調，即除咗公布業績同大單交易之外，管理層平時甚少見記者（除咗負責賣樓嘅九倉助理董事黃光耀），因此一眾行家只有每年幾次機會，喺系內各間上市公司嘅股東會上見一見佢哋嘅管理層。
八方噚日就去咗新亞置業嘅股東會，就見到新亞主席李唯仁，佢同時係九倉嘅重臣。咁啱廣深珠三地噚日開始推行個人香港自由行，八方梗係想知道九倉旗下嘅酒店同商場點受惠法啦，點知八方一提「自由行」，趕住走嘅李唯仁就笑笑口話：「我𠵱家咪自由行梗囉。」薑果然係愈老愈辣，輕描淡寫就擋住記者嘅提問，好嘢。
（圖）李唯仁趕住走，用「自由行」態度拒絕八方。
程志遠攝
傳真︰2623-9278
電郵︰