為人師表呢份工作一向吸引，除咗人工高福利好，重有悠長暑假。不過聖公會基顯小學校長李傑江噚日話，有一間小學嘅校長好專制，當自己係土皇帝，話啲老師暑假都有出糧，冇理由可以喺屋企唞暑，所以落咗命令，唔理有冇會要開或有冇嘢要做，暑假期間都要返學校，搞到班老師怨聲載道。
李校長話，要搞好間學校，係要上下一心，嗰個校長咁專制，好難令到啲老師同佢配合，「唔通想啲老師同你按章工作？」佢話如果有權，一定炒咗嗰位校長。
李校長講番兩、三年前，學校想喺暑假搞個免費英文拼音班，畀區內嘅幼稚園學生，以吸引佢哋報讀小一。點知夏日炎炎，啲老師唔多制，為免有傷和氣，佢於是動用學校多餘錢，喺外面請人返嚟教。
傳真︰2623-9278
電郵︰