呢排興講自由行買家來港救樓市，但八方收到風，又一名地產界名人入市買貨。據地產界朋友講，喺摩根士丹利任職顧問董事嘅著名地產市道分析員卓百德，啱啱落實，買入華置喺上環嘅新盤ManhattanAvenue一個頂層單位，呢個單位只有五百六十七呎，連埋七十呎天台，成交價係二百四十萬元，呎價四千二左右。
當然，身居南區豪宅嘅卓百德相信唔會入住呢個細單位，可能放租居多，因為佢曾經購入附近嘅荷李活華庭，都係一個租盤。不過，九七年前睇市況甚準、曾當選最佳地產股分析員嘅卓百德都肯入市，可能係大市見底嘅訊號之一，對大家可能有參考價值。不過，卓百德已經算係半退休，其心態可能與一般置業者不同，各位要切記。
傳真︰2623-9278
電郵︰