Twins、Yumiko同蕭正楠昨天參加商台的「903全運會」羽毛球賽，雖然Twins的阿Sa在比賽前一晚特別抽時間練波，可惜實地作賽時，經常出現失球情況，最後負責女雙打的Twins，落得捧蛋收場。
昨日Twins、鄭希怡（Yumiko）、蕭正楠（Edwin）和Sky等人組成歌星隊，一同在沙田與DJ隊比賽打羽毛球。歌星隊一面倒落後，雖然，Yumiko和Edwin在混合賽中，力挽狂瀾但仍未能扭轉敗局，最後兩隊經過五局比賽，歌星隊以○比五落敗。
各歌手在比賽中表現投入，阿Sa更在前一晚練習，可惜在正式比賽時，大部份都是她失球，故即使阿嬌表現不俗，可惜二人也捧蛋而回。阿Sa說：「我平時都有打羽毛球㗎！但噚晚勁慘，喺朋友屋企練完波，搭車返屋企時就留低咗羽毛球拍喺的士。我已經打咗去『馬路之友』，希望𠵱家呼籲吓，如果執咗就畀番我啦！因為個球拍有阿Sa兩個字㗎！重酬就送我同阿嬌嘅親筆簽名CD加海報！」
對於陳奕迅日前表示港姐決賽的表演項目，無綫沒有安排他綵排，引來監製不滿。Twins說：「係人都知佢講嘢直，呢啲係真性情。有時好多工作做，我都有脾氣，我哋會大叫，或者狂食嘢，佢都可以試吓。」
另外，Yumiko讀書時家人不讓她打羽毛球，她說：「屋企人怕我太高，第時嫁唔出，所以唔多畀我打波。不過我就唔怕，我可以搵外國人嘛！」
而Edwin為了身形更有線條，故開始健身，問到在男同性戀排行榜名列前茅的他可試過被同性追求，他說：「讀書時期試過，有個男人搭𨋢時，佢突然主動自我介紹，同我握手唔肯放手，之後我咪叫佢行開。」
此外，Twins昨日到新城接受《聯fan所》訪問，主持人更送上皇冠權杖寓意她們下月推出的新碟銷量稱后。而日前有報道指陳文媛接受訪問時一聞阿嬌的名字即發脾氣，阿嬌說：「我睇咗嗰報道，我覺得係個記者想令人誤會，可唔可以唔好將件事搞到咁複雜呀。」
採訪：王連連
攝影：陳偉權
