好多人都知，電盈副主席兼盈保主席袁天凡財技出眾，佢老哥講後市走勢自然份量十足。法蘭西斯（袁之洋名）噚日公布盈保中期業績嗰陣，就話若果喺三個月前，佢會話「投資會幾冇方向感」，事關持有現金可以話冇息收，買債券息率就得雞碎咁多，咁hold住股份咩，就輸極都唔夠。
言下之意，係咪現時有啲唔同？佢話𠵱家情況已有改善，做投資比較容易，估計利率有一段時間會喺低水平徘徊，即係未來一、兩年唔會升得好急，債券市場表現𠵱家亦係一個頂峯，因此佢建議未來一、兩年若有機會就應投資多啲喺其他投資工具上，例如對沖基金等，最主要視乎閣下想要幾多嘅回報及承受幾多風險。
各位讀者，收唔收到呢位曾年賺一億多嘅打工皇帝嘅貼士呢？
（圖）袁天凡建議未來一、兩年可以諗吓對沖基金。
傳真︰2623-9278
電郵︰