喺法國出生嘅Patrick，14歲開始學廚，由第一日學廚已經開始接觸生蠔，由法國到美國，再由美國到亞洲，品嘗過不同品種嘅生蠔，更自行研究秘製醬汁帶出生蠔嘅終極鮮味，絕對稱得上係生蠔專家。
記者：馬慶武
攝影：黃子偉
可選Kumamoto或CoffinBay生蠔一隻，配上CanyonRoadSauvignonBlanc白酒一杯，本身已經好抵，蘋果讀者憑印花再加送多兩隻SmokyBay生蠔，即$38可享用三隻新鮮生蠔加一杯白酒，抵！
除可配大路嘅Cocktail汁（左）或RedWineVinegar汁（上），Patrick親自炮製嘅SeaweedTartar汁（右）更定必要一試。
曾於怡東酒店出任行政總廚嘅Patrick，14歲已立志投身廚藝界，到法國一間二星級酒店當學徒，及後服兵役當軍廚時，更累積為法國首相等大人物設宴嘅經驗。之後更在法國不同酒店及餐廳打滾咗一段時間，至23歲便遠赴美國當廚6年，其間最愛就係鑽研不同烹調技巧，改良傳統菜式。最後，被亞洲的神秘感吸引，亦為咗鑽研亞洲菜式嘅烹調技巧而來到香港。
Patrick到過咁多地方，對各國菜式都有一定認識，尤其生蠔更時常接觸到：「因為每個地方都有好多人鍾意食生蠔。」
「唔同地區海洋出產嘅唔同品種，無論外形、味道、質感都會好唔同，有啲會鹹啲，有啲就肥美啲。」而價格方面並唔係只視乎體積而定，重會因應不同時令，產量、採捕難度及市場需求而定價，當中澳洲生蠔產量最多，價錢亦較平。
嚟自加拿大，蠔形大而深，但蠔肉較薄，乳白色蠔肉中透出淡淡翡翠綠色，肥美多汁而且充滿鮮味。
澳洲生蠔一般鹹水味較濃。CoffinBay出產嘅生蠔體積較細，不過蠔形較深，內裏肉質豐滿，蠔味超鮮甜。
原產日本、美國培植嘅生蠔，蠔形細而深，肉較厚，無乜鹹水味，唔腥，唔加調味醬鮮甜味更突出。
蠔形同樣細小而深，蠔殼呈淺紫色。肉質非常肥美，較濃嘅鹹水味突顯生蠔新鮮香味。
OneBar+Grill（25222246）
地址：中環干諾道中8號交易廣場1期4樓
營業時間：星期一至五12:30pm-9:00pm