陳慧琳（Kelly）新廣東碟《愛》明天推出，早前Kelly特別到西班牙拍攝唱片封面照，又在當地聘請舞蹈老師教她跳佛羅明哥舞，一邊跳舞一邊拍照。
Kelly說：「以前都跳過吓舞，見老師跳呢隻舞時，睇落好似好易，點知我一partpart學完，先知係好難，重跳到好似抽筋咁。學咗大半日終於學完，有機會可以表演吓，最緊要大家唔好笑我半桶水。」
稍後Kelly會在銅鑼灣舉行大型簽唱會，但因要封路，警方要求唱片公司派籌，限制歌迷人數及簽名時限，Kelly說：「唱片公司同警方傾緊，未知開唔開得成，我好耐冇喺香港搞簽名會，希望簽得幾多得幾多。」