正當全新萬事得RX-8跑車，仍在車壇鬧得熱烘烘之際，原來那邊廂亦有傳廠方正密謀讓RX-7跑車重出江湖，以延續叱咤一時嘅雙轉子引擎跑車神話！
從預想圖中可以睇到，有望於2005年後推出嘅新一代RX-7高性能跑車，外表仍貫徹有一份高性能跑車風采；當中極富流線型嘅車體設計、巨型跑車合金胎軨，同埋極具霸氣嘅車頭組合，就最能將呢個特點展露出來。但由於該消息未有關於車廂布局嘅資料，故仍有待廠方公布有關細節後方可作實；但一般相信，新車車廂布局會同樣貫徹有跑車風格，一對承托力甚高嘅跑車桶椅，當然會係必然配備啦！另外，新車亦會以Renesis雙轉子引擎作核心，但經改良後，馬力輸出可高達300匹，比RX-8還要來得更強更勁。若然你係萬事得Fans的話，咁就要留意我哋日後嘅報道喇！