八方上回講到全國人大代表李鵬飛喺內蒙向人大副委員長盛華仁申冤，話作為一個時事評論員，佢不可不如實批評老董。
飛哥話，發夢都諗唔到香港會有今日：一個人均每年收入二萬四千美元嘅特區，要向人均八百美元嘅祖國求救，「我覺得我做香港人好醜。」
飛哥吐完苦水，又向盛副委員長講今次23條嘅損害好大，特別對台灣嘅統一願望大倒退，呢二十五分鐘嘅真情對話真係句句真心，盛先生聽唔聽得入耳飛哥唔知，不過，飛哥覺得最可惜係冇港澳辦或者中聯辦嘅人喺現場，聽唔到佢嘅肺腑之言。至於其他三位要平反嘅人大包括馬力、劉佩瓊同埋薛鳳旋就三個人一齊見副委員長交心。
飛哥返港後，再翻一次過去六年老董嘅施政報告，更加失望，於是坐低寫咗三頁紙嘅報告，準備寄畀人大委員長吳邦國，副本交盛先生，等北京更準確掌握香港嘅實況，不要被人誤導。
傳真︰2623-9278
電郵︰