由賭王公子何猷龍擔大旗嘅新濠國際，噚日喺澳門設立總部，主席兼老竇何鴻燊當然係嘉賓之一，兩個家姐超瓊、超鳳亦身體力行支持細佬。
除咗何家成員，畀面嘅重有澳門特首何厚鏵、全國政協副主席馬萬祺、澳門中聯辦副主任李勇武、外交部駐澳特派員公署副特派員吳紅波，及澳門運輸工務司司長歐文龍等高官。來自香港嘅嘉賓亦唔少，演唱會之父張耀榮、大福證券董事總經理黃紹開、名媛趙金卿等亦為座上客。
新濠澳門總部位於澳門文化中心對面嘅珠江大廈，八方喺佢哋嘅會議室望出去，見到嘅正是另一澳門賭牌持有者「威尼斯人」正在興建中嘅賭場。
小賭王呢頭話幫其他博彩公司上市，嗰頭又幫老父吼住競爭對手進度，果然對市場動態瞭如指掌。
（圖）賭王公子何猷龍為總部揭幕燒炮仗，亦有大批保安圍住。
傳真︰2623-9278
電郵︰