區議會選舉年底，廉署已經出招，推出一連串宣傳短片同海報，提醒市民廉潔選舉嘅重要性。八方明查暗訪，終於打聽到海報及短片嘅製作過程。
首先講吓海報中出現嗰隻手指，原來呢隻手指認真唔嘢小，導演喺拍攝前經過細心挑選，喺十幾個男人嘅手指中選出指形最靚、最清潔，指紋最清晰嗰隻，加上電腦協助「執相」後，印製成呢幅海報（圖），嚴格過選美。
至於電視宣傳片中代表蒙蔽選民利益嗰隻「隱形眼鏡」，由於最後一組鏡頭係俾人踩碎，所以製作公司特別製模以半透明塑膠做咗十幾二十對，務求拍到最佳效果先至收貨。
講番廉署，黃鴻超原來已經落實下周一正式上班，𠵱家署理廉政專員李銘澤相信到時可鬆一口氣，將廉署揸fit人個位交番畀黃鴻超。
傳真︰2623-9278
電郵︰