萬人迷碧咸轉投西班牙勁旅皇家馬德里後，就改着23號球衣，而不法商人就即刻把握呢個機會推出印有BECKHAM同23字樣嘅老翻皇馬戰衣，連歌星張栢芝都「中招」。
八方知道，皇馬球衣嘅製造商adidas已經表示，準備向成功售出數以千計碧咸老翻戰衣嘅集團採取法律行動，阻止呢啲球衣再喺市面公然出售。至於呢啲球衣，就主要係由中國內地運嚟香港出售。
海關發言人就話，至今冇收過有關投訴。佢又解釋，要成功檢控冒版貨嘅侵權者，必須要有投訴人舉證，證明侵犯版權，海關先可以有效採取行動。碧咸老翻戰衣通街都係，全因佢嘅魅力真係沒法擋，冇計！
傳真︰2623-9278
電郵︰