前《基本法》起草委員查大俠良鏞係年輕人偶像，因為好多人都睇佢嘅小說大，日前佢接受嶺南大學教與學中心訪問，就順道教咗香港後生仔兩招絕招，以便與同齡嘅內地同胞競爭。
查大俠慨歎，目前香港遭遇嘅困難並唔可怕，最可怕反而係年輕一代冇咗吃苦嘅精神。現在世界艱難，一向養尊處優嘅年輕人，應該學習喺逆境中求存嘅能力及毅力，否則會喪失既有優勢。
查大俠憶述佢喺國內大學教書時嘅一次經歷，當時佢見到一個年輕人，挑住擔挑行過，一邊挑衣背鍋，一邊則挑滿書本，查大俠好奇上前問對方要去邊？個後生仔咁答：「我要到大學念書。」原來，佢屋企嘅錢全部用晒嚟交學費，所以買唔起巴士票，只好行路返學。查大俠話，呢個年輕人生活真係好苦，但相信佢將來一定會成才。
講到苦，查大俠又話佢覺得香港目前遇到嘅困難並不可怕，最怕反而係年輕人無吃苦嘅精神。佢話自己當年讀大學，剛好日本仔打中國，生活好苦，鞋、襪、衫都冇、飯都冇得食，最後鍛煉到終身學習嘅精神。人生有兩杯酒，一甜一苦，「我會先喝苦酒，到年老慢慢再飲甜嘅就好好。」
查大俠重提出五「不怕」勉勵後生，分別係失業、失戀、婚姻破裂、兒女及父母親過世，都不要怕；總之喺書本裏可以搵到快樂去補償，接觸全世界幾千年來人類嘅智慧。
傳真︰2623-9278
電郵︰