「上屋搬下屋，唔見一籮穀」，前任財爺梁錦松早排搬出壽山村道官邸，竟然賴低一堆政府文件、筆記，俾記者「執到」，內容都幾耐人尋味。
噚日新任保安局局長李少光同傳媒茶敍，有記者問佢，作為負責內部保安嘅局長，點睇有官員搬屋留低文件呢單嘢？李Sir話好關注政府文件洩漏嘅問題，重話政府內部有既定程序處理文件。李少光冇話會唔會跟進，但律政司重研究緊阿松買車單嘢告唔告，睇嚟阿松重有排煩。
（圖）李少光噚日同傳媒茶敍，佢話好關注政府文件洩漏嘅問題。
張家俊攝
傳真︰2623-9278
電郵︰