蔡少芬早前為婚紗雜誌拍照，她大談對婚姻的憧憬時表示，拍拖兩年理應知道對方是否可付託終生，身為基督徒的她更自稱不能接受婚前性行為，令人不可思議。
早前蔡少芬為雜誌《CoCoWedding》拍攝一輯照片，穿上多款白色婚紗示人的她，化身美麗新娘子。對於婚姻的看法，蔡少芬表示在她成為基督徒前，是毫不信任婚姻。
蔡少芬說：「因為我父母好早就離咗婚，對我嚟講，生命總係令人失望嘅。但係信咗主之後，知道只要心中有愛，心中有情，就冇嘢係唔可以解決嘅。」
蔡少芬透露她心中已有婚禮模式及另一半的要求，她說：「我試過去加拿大參加一個朋友嘅婚禮，係喺一個只容納到七個人嘅教堂裏面舉行嘅。嗰種感覺好好，我將來嘅婚禮，亦一定要喺教堂舉行，不過我就希望愈多人觀禮就愈好，因為可以同朋友分享我嘅幸福同喜悅，另外個婚禮上一定要有好多白色嘅鮮花。」
至於結婚對象，蔡少芬說：「我唔係好有耐性，我認為兩個人約會兩年之內就應該結婚，拍拖多過兩年，我覺得冇乜意義。約會兩年應該知道對方係唔係可以付託終生㗎啦。」
蔡少芬續說：「當然我對未來另一半嘅最起碼要求，係佢一定要同我有相同嘅宗教信仰，係一個虔誠嘅基督徒，正因為宗教嘅原因，我認為結婚前一定唔可以有性行為，因為婚前行為一啲承諾都冇，如果有一日分手嘅話，傷害重深。」
