噚日新財司同唐英年同新保安局局長李少光分別見記者，講吓有乜大計。而新任工商及科技局局長曾俊華就重未出嚟。
八方問曾局長幾時露面，佢話好快會出訪㖭。原來佢喺阿松年代已經答應咗福建方面會去推廣香港，出席一個「福建、香港周」活動，咁𠵱家阿松唔做，代表團改由唐公子帶隊，鬍鬚仔曾俊華同經濟及勞工局局長都會去，認真大陣仗。
福建妹蔡素玉目前人在台灣訪問，佢話係張良任請佢同一班地區人士去考察，咁佢冇見李登輝，當然冇俾人鬧，佢重笑返港後又要去上海，所以只可以參加星期六同星期日嘅活動。
今次去福建，又係駐京辦做搞手，即係梁寶榮都會到。
傳真︰2623-9278
電郵︰