中資股熱火朝天，但論巴閉，都唔及董特首家族隻「東方海外」，呢隻航運股八月一號做10.65元，噚日收15.5元；半個月升五成，航運真係咁好景？
證券界老友話，超人要賣番啲股票畀東方海外，咪升囉，五月已經郁啦。乜唔係超人肯買嘅股票至升咩？佢話：「你唔明喇，要小股東贊成公司出錢買番咁大手貨，最好就係令股價大升，咁大家咪覺得買得抵，等馮國經呢個獨立董事易做啲囉。」佢重叫八方參考吓另一間上市公司「葉氏化工」走勢。
八方都重係唔明，事關超人個老友番薯梁（即係早前在政府總部出現過嗰位）間寶號，一直有做東方海外之研究，非常睇好，一早就話值十幾蚊，又話業績靚到暈，點解唔叫超人遲吓至賣呢？老友話：「咁你都唔明？抵你冇發達咯。」
傳真︰2623-9278
電郵︰