【本報訊】「希望畀佢哋現場親身睇到，同志嘅愛同佢哋嘅愛一樣。」女同志煒煒前日在天主教彌撒進行期間，公然在教堂內與伴侶親嘴，她說是要外界深切感受到同志的切膚之痛。曾接受天主教洗禮儀式的她強調，行為經過深思熟慮及部署，別人是否覺得她們的行為惡心，根本不是考慮因素，「表達我對佢（伴侶「TVB」）嘅愛意，唔介意咁多。」
二十七歲的煒煒，幼稚園、小學及中學都是就讀天主教學校，中七時更接受教會洗體，成為天主教徒。對於天主教信仰，她不諱言「認識佢哋宗教，知道、理解彌撒係乜嘢。」更用上不少時間看《聖經》及神學書籍。
煒煒承認自己「唔係好乖嘅天主教徒」，從領洗時取一個聖名的往事可以表露無遺。她在不順從性別定型的感覺下，堅持以一個男性名字「Peter」作聖名，結果在審核名字時惹來不少神父的反對，她卻掌握了領洗申請表不用填上性別的漏洞，「神父幫我洗禮時，成塊面黑晒。」
作為天主教徒卻在彌撒期間擾攘，煒煒不以為然，因自己是一名「後天主教徒」，「我唔係反對天主、反對神存在，但係教廷嘅道德判決係咪一定係啱？」她更以歷史上教會堅持太陽圍繞地球運轉的錯誤看法，說明教會未必一定是對的。但她仍盼與天主教香港教區主教陳日君會面，「佢都激起我嘅反感，我都願意同佢傾偈。」
陳日君批評請願人士作出騷擾行為，對於這名敢言的主教，煒煒說：「唔識佢，唔評論佢個人。」她認為不能將主教在其他社會爭論議題的表現及態度，與教會對同志的看法混為一談：「如果冇歧視同志，《公教報》冇必要作出評論。」
煒煒約於二十歲時發現自己喜歡同姓，「對眼、個心俾女仔吸引住，想攞電話、約佢去街。」相反以往與男孩交往的經驗是「唔開心、唔親密，感覺唔大。」
九八年於中文大學新聞系畢業的煒煒，捨傳媒工作而任職廣告界，因擔心「做新聞點搞社會運動？」對於現時同居伴侶「TVB」，煒煒百般維護，她不愛上鏡就不讓她上鏡，「你都唔想我今晚嗌交，要瞓廳。」
彩虹行動發言人Tommy仔昨亦反駁陳日君指教堂示威不文明的說法：「陳日君都係一個搞抗爭嘅人，佢應該明白用乜嘢形式抗爭，係由抗爭者決定。」他明白反對同性戀是羅馬教廷立場，但陳日君可選擇「唔出聲，香港天主教冇需要落井下石。」
至於教會向警方投訴，Tommy仔感到莫名其妙：「我哋由頭到尾冇做過犯法嘅事，唔明教會要求警方做啲乜嘢？」
香港電台節目《千禧年代》聽眾張太也不滿陳日君的一些處事作風：「我都覺得衝入教堂唔係咁恰當，但係講到陳日君，我不嬲都唔係好滿意佢呢個人，佢面對一啲對佢不利嘅嘢，都係避之則吉，好似以前男童被神職人員性侵犯，佢都完全唔回應。」
記者 蔡建豪