瑪麗嘉兒（MariahCarey）同新力唱片前揸弗人TommyMottola離咗婚都有六年，不過瑪麗嘉兒近日同人講，話之前段婚姻好恐怖，搞到佢以後都唔敢再結婚，佢話：「我前夫成日迫我着樽領衫同長褲，嗰個根本唔係我！」另外，早前有傳瑪麗因為可以唱得高音過海豚，而打入健力氏紀錄大全，不過健力氏嘅發言人話佢哋根本冇呢個「最高音」紀錄，所以單料係流嘅！