現代家長為子女學業，又搬屋報名校，又通宵排隊攞報名表。以前啲父母唔使咁大陣仗，「只要有六寶，讀書冇煩惱」。所謂六寶，就係象徵前程錦繡嘅銅錢、象徵勤勤力力嘅芹菜、象徵聰明伶俐嘅葱、象徵鴻運當頭嘅紅棗、象徵家肥屋潤嘅肥肉，同象徵滿堂吉慶嘅片糖。
每年開學，學生就會帶齊呢六寶，搵老師幫佢哋開筆，即係捉住隻手仔寫字，寫完就會學業進步咁話。香港首屆會考狀元李汝大噚日就幫中華藝社一百名小學生進行開筆大典，中華藝社話本來想請埋應屆會考狀元來參加大典，點知俾康泰旅行社請晒去遊埠。天時暑熱，當然係旅遊好過寫字。
傳真︰2623-9278
電郵︰