謝霆鋒前晚在佛山開個唱，其師弟Boy'Z雖只任表演嘉賓，卻獲唱片公司高層霍紋希請來四位按摩女郎到他們的酒店房按摩，成員Steven更表示被按摩女郎摸大髀，最後他們付了八百元作按摩費。
前晚假佛山體育場舉行的「謝霆鋒佛山演唱會2003」，吸引了萬多名歌迷到場，雖然演唱會舉行期間曾兩度落大雨，但未有影響各人的心情，更有不少歌迷站在櫈上觀看，現場氣氛熱鬧，但有一位歌迷不小心跌倒受傷。
霆鋒在台上指着天說：「我都話我開演唱會唔會落雨，多謝你。」霆鋒此話一出，果然沒有再下雨。
擔任霆鋒個唱嘉賓的Boy'Z則透露曾請了四名按摩女郎到其酒店房，Kenny說：「其實係Mani（霍紋希）叫畀我哋嘅，我一打開門見到四個女仔我都忍唔住笑，初時我以為要揀一個。」而Steven表示按摩女郎有觸及其大髀，他說：「佢掂到大髀時我覺得好痕，嗰晚我同Kenny每人要畀四百蚊。」
此外，對於日前有報道指霆鋒欲在港姐總決賽當晚打頭陣及許志安因知霆鋒有份演出，所以不願擔任港姐嘉賓，霆鋒說：「呢啲傳言由得大家去傳，我根本唔鍾意亦冇考慮位置嘅問題。入行咁耐，主辦機構、幕後人員同搞手都知我唔會askforposition，就算影大合照我都寧願行後啲。如果有人鍾意咁講又或者係宣傳，我冇嘢好講。」
而陳小春與盧巧音昨日在上環出席新片《女左男右》開鏡拜神，有傳小春是港姐總決賽當晚打頭陣的嘉賓，小春對此說：「呢個年代都冇計較啦，係咪壓軸抑或打頭陣，都係公司去傾，我只會做我份內事。」
採訪：李珮洳、魯萍攝影：甄朝健、陳慧安
