恒生銀行二十四樓的宴客飯堂博愛堂，是財經人一個熟悉嘅地方，由利國偉請食飯，到鄭海泉搞party，八方都有好深刻嘅印象，至於每年秋冬正宗太史蛇羹宴，更不在話下，但估唔到嘅係，原來佢哋連甜品亦有一手。八方上周去博愛堂飽餐一頓，大廚送上一款「雪葩伴鮮果」甜品，賣相甚為吸引。
呢款甜品可說係中西合璧，以雪糕混和鮮果雪塊打成的鮮豔雪葩，放喺鋪咗冰塊嘅紫砂茶壺上，又用奇異果雕成鮮花狀配襯。
餐飲部負責人同八方講，如果茶壺放入乾冰取代普通冰塊，上枱時縷縷白煙升起，就會更有氣氛。據悉，博愛堂菜單經常更新以保持新鮮感，現時總廚為半島酒店中菜廳前大廚，功夫當然了得啦！
（圖）紫砂茶壺盛載鮮豔雪葩，可說中西合璧。
傳真︰2623-9278
電郵︰