八方日前拜訪人靚琴聲甜嘅小提琴家西崎崇子。呢位以拉《梁祝》而聲名大噪嘅西崎今年獲無綫邀請擔任香港小姐評判，原來佢好喜愛香港女人。同日本娃娃相比，西崎覺得香港女仔比較開放、活潑、聰明，有時比男士更加進取。佢嫌日本啲女仔太過稚氣，唔夠香港嘅女性成熟，「不過，有時我會覺得香港女性太過進取同倔強，唔聽別人意見。」
講講吓，七四年已定居香港嘅西崎又講到香港啲女高官，佢第一個就講起葉劉淑儀，「我見過佢，我好肯定佢係一個很好心腸嘅人。佢身在其位，要聽從上司同北京嘅話，唔能夠自己話事。」西崎認為，葉劉喺公開場合所說嘅都唔係佢自己嘅個人意見，「喺私人場合，佢同電視上嘅葉劉淑儀係完全兩個人，溫柔同明媚得多。」
香港今年動盪不安，西崎覺得《明日天涯》最能代表二○○三年嘅香港，原因同悲壯嘅歌詞無關，而係呢首歌嘅曲調，起首非常激盪，然後就係好漂亮嘅旋律，正好象徵大瘟疫過後香港嘅苦盡甘來。
（圖）今年十一月，西崎會為博思會演一場慈善演奏會。 區民傑攝
傳真︰2623-9278
電郵︰