美加大停電，雖然冇出大亂子，不過就充份反映出現代人冇電唔得。八方有位親戚住喺多倫多，佢話停電期間，一家人要靠食乾糧、罐頭過活，因為冇電，連熱水都冇，公仔麵亦都煮唔到；就算有番電，都要食幾日齋，皆因雪櫃同超市嘅肉都變壞晒，冇肉賣。至於電話亦係無法打出，好彩係夏天，最多都係熱啲，唔使驚，如果碰上冬天，冇咗暖氣就死得人多喇。
今次大停電嘅原因重未清楚，加拿大人始終覺得同恐怖活動有關，話美國人怕講出真相會嚇親人，所以coverup唔公布實情。
至於對傳媒有乜影響？多倫多有唔少中文報紙，《明報》剛好趕及印到兩大張紙。而滙豐銀行一有電就叫啲職員返公司，因為好多客只有卡，冇袋現金，嘢食都買唔到，所以要開門畀佢哋攞錢。
傳真︰2623-9278
電郵︰