回歸六年，北京以為唔干預香港事務，老董就會掂，點知中央唔出手，班土共就成日喺度搞分化，北京港澳辦知唔知有咁嘅事八方就唔清楚。
但講乜都冇用，一個7.1大遊行就穿晒煲，原來港人咁多不滿，連親中人士都頂唔順要出聲，就知事態嚴重。自此之後，八方聽聞，香港問題又重上政治局議程。保董之餘，就係要諗吓點救港，最佳嘅辦法當然不如北水南調，整旺個市，等啲香港人開心番，唔好日日掛住倒董。
於是乎，一時間招數百出。例如出現咗一啲超抵北京飛港澳兩地五日四夜團，連來回機票，直飛香港赤鱲角機場，走就係由澳門上廣州飛走，住真正嘅五星級酒店，包食包去海洋公園，重包埋去澳門船飛，你估吓收幾錢位？盛惠一千九百八十大元，兩千蚊唔使。咁抵玩，唔怪得啲酒店滿晒。
傳真︰2623-9278
電郵︰