八方昨日寫醫管局專業及公共事務總監高永文係骨科高手，在QE時代，重幫過大班鄭經翰駁骨。點知一起身就接到大班電話，話有資料要補充。
大班話，當日佢遇襲入院，主診醫生係骨科主管蘇鎰昌，但要做手術時，蘇醫生剛巧由美國回港，舟車勞頓，所以個手術安排咗由另一位高手陳力行醫生做，之後調理先由蘇醫生負責，高永文都有幫過手打點，但並非負責手術。
大班又話，呢段經歷令佢對醫生，特別係骨醫非常尊重，包括高醫生；之前沙士風波只係對事，並非對人。
八方都知大班的確最聽醫生話，除咗一樣──就係叫佢去參加團契聽道理。
傳真︰2623-9278
電郵︰