澳門去年底開放賭權，賭王何鴻燊要面對兩個過江龍的挑戰，新對手為美國賭業猛人，故此成為國際傳媒焦點。八方啱啱收到美國傳媒彭博資訊出版嘅月刊，有篇文章講呢件事。不過，賭王唔肯親身接受該刊訪問，只肯用書面回答問題。文章引述何鴻燊稱，唔擔心競爭，「自己一生人，最愛挑戰，亦從唔接受不（No）作為答案。」果然一貫咁豪氣，乜都冇有怕。
賭王話，自己在葡萄牙同人合作嘅兩個賭場好成功，已經成為葡萄牙八間賭場中最大嘅兩間，市場佔有率達六成。賭王認為呢一點證明，佢可以在公開競爭下搶佔市場。佢重同彭博講，只要有牌照，可在世界上任何一個不歡迎開賭嘅地方搞一個賺錢嘅賭場。不過，彭博都算攞景，重提賭王曾經在北韓首都平壤搞賭場失利，即時抽賭王後腳。
至於澳門娛樂會否上市，賭王嘅官方答案仍係「考慮中」。不過，彭博訪問咗賭王新對手之一、WynnResort總裁Kramer，呢位仁兄承認，正研究融資安排，其中可能在香港上市集資，但要下年才有具體進展。換言之，起碼呢兩年都冇可能。
傳真︰2623-9278
電郵︰